14 մլրդ ռուբլի` հիդրոօդերեւութաբանության զարգացմանը

Ռուսաստանի հիդրոօդերեւութաբանության զարգացման համար 2011-2013 թթ. հատկացվելու է 14 մլրդ ռուբլի. երեկ վտանգավոր բնական երեւույթների կանխատեսմանը նվիրված խորհրդակցության  ժամանակ ասել է ՌԴ վարչապետ Վլադիմիր Պուտինը: Նա ընդգծել է, որ առաջին հերթին հարկավոր է արդիականացնել հիդրոօդերեւութաբանական ամբողջ ցանցը եւ ընդլայնել ենթակառուցվածքները:

Վարչապետը նաեւ պահանջել է առանձնակի ուշադրություն դարձնել ռադիացիոն իրադրության  վերահսկողության միասնական պետական ավտոմատացված համակարգի հետագա զարգացմանը:

Վ. Պուտինին անհանգստացնում է Ճապոնիայում տիրող իրավիճակը, եւ նա համարում է, որ Ռուսաստանի հեռավորարեւելյան տարածքներում բնապահպանական վիճակի մասին տեղեկատվությունը պետք է օբյեկտիվ լինի:

ITAR-TASS