Ֆուտբոլիստները կպարգևատրվեն

ՀՖՖ նախագահ Ռուբեն Հայրապետյանը «Ժողովուրդ» օրաթերթին տված հարցազրույցում հայտարարել է, որ ռուս երկրպագուների պահանջներն անհիմն են. «Անօրինական ոչինչ չկա: Ռուս երկրպագուն եկել է, որ նստի հայկական տրիբունայում, իսկ մենք չենք թողել: Ռուսական տրիբունայում 1300 տեղ էր, և բոլորն էլ զբաղված էին: Հայերն էին իրենց տոմսերը վերավաճառել ռուսներին: ՌԴ ֆեդերացիայի և պետության ղեկավարներն էլ գիտեն, որ ամեն ինչ արել ենք օրենքի սահմաններում»,- ասել է ՀՖՖ նախագահը:

Բոլորիս հուզող պարգևատրման հարցին Ռուբեն Հայրապետյանը ևս անդրադարձել է. «Մենք հաղթանակի համար ավելի շատ գումար էինք խոստացել, քան ռուսները: Մեծ թվեր էին խոստացել նաև Սամվել Ալեքսանյանն ու Ալիկ Մկրտչյանը: Չնայած ոչ ոքիի համար պարգևատրում չեմ տալիս, բայց այս խաղի համար տալու եմ, քանի որ պայքարեցին»,- ասել է ՀՖՖ նախագահը: