Առաքիչը` առաքիչին

Այսօր` ժամը 08:10-ին, վրաերթ է տեղի ունեցել Երեւանում:

Ինչպես հայտնում է ֆոտոլրագրող Գագիկ Շամշյանը, 1984 թվականին ծնված Կարեն Դալլաքյանը, ով աշխատում է «Աշտարակ կաթ» ընկերությունում` որպես առաքիչ, ՎԱԶ 21 09 մակնիշի 13 ԼՕ 554 համարանիշով ավտոմեքենայով Արշակունյաց պողոտայում`«Ջերմուկ գրուպ» ընկերության դիմաց հետիոտնային անցման վրա վրաերթի է ենթարկել «Ջերմուկ գրուպ» ընկերության առաքիչ` 1954 թվականին ծնված Արա Ափոյանին:

Տուժածին Կ. Դալլաքյանը տեղափոխել է «Էրեբունի» բժշկական կենտրոն:

Դեպքի վայրում աշխատանքները ղեկավարել է ոստիկանության Երեւանի քննչական վարչության ճանապարհատրանսպորտային հանցագործությունների քննության բաժնի քննիչ Հարություն Խալաթյանը: Քննիչի հանձնարարականով` ավտոմեքենան տեղափոխվել է ՃՈ տուգանային հրապարակ:

Ֆոտոռեպորտաժը` Գագիկ Շամշյանի