ՖԻՖԱ-ն հրապարակել է հավաքականների վարկանիշերը

Այսօր ֆուտբոլային ասոցիացիաների միջազգային ֆեդերացիան (ՖԻՖԱ) հրապարակել է հավաքականների հերթական վարկանիշային ցուցակը:

Համեմատած նախորդի հետ` Հայաստանի հավաքականը 2 հորիզոնական զիջել է և այժմ 62-րդ տեղում է:

Ռուսաստանի հավաքականը, որի հետ Վարդան Մինասյանի ընտրանին մրցելու է մարտի 26-ին, 1 հորիզոնականով բարելավել է իր ցուցանիշը և այժմ զբաղեցնում է 12-րդ տեղը:

Իսկ Հայաստանի հավաքականի առաջիկա մրցակից Վրաստանը 71-րդն է ցուցակում. նախորդ մրցաշրջանի համեմատ` նրանք 1 հորիզոնականով բարելավել են իրենց արդյունքը:

Առաջատարի դիրքում նախկինի պես աշխարհի չեմպիոնն է` Իսպանիայի հավաքականը, իսկ լավագույն տասնյակը հետևյալ կերպ է դասավորվել.

1. Իսպանիա` 1887 միավոր

2. Հոլանդիա` 1723

3. Գերմանիա` 1485

4. Բրազիլիա` 1446

5. Արգենտինա` 1367

6. Անգլիա` 1195

7. Ուրուգվայ` 1152

8. Պորտուգալիա`1090

9. Խորվաթիա` 1075

10. Հունաստան 1016

----------------

12. Ռուսաստան` 982 

 Հայաստան` 514 

Վրաստան` 449 

 Ադրբեջան` 344