Իրանում ավիավթար է տեղի ունեցել

Թեհրան-Ուրմիա չվերթը կատարող Boeing-727 օդանավն ընկել է Ուրմիա քաղաքից 7 կմ հեռավորության վրա: Ըստ որոշ տեղեկությունների` օդանավում 95 ուղեւոր է եղել` ներառյալ անձնակազմի անդամները:Սակայն այս թվերը խիստ հակասական են:

Իրանի պաշտոնական լրատվական գործակալությունը տեղեկացնում է, որ զոհվել է 70, վիրավորվել 32-ը: Այս գործակալության փոխանցմամբ` օդանավում եղել է 94 ուղեւոր եւ 8 անձնակազմի անդամ:

Սակայն այլ լրատվամիջոցներ` հղում անելով Ուրմիայի հիվանդանոցներին` բոլորովին այլ տվյալներ են ներկայացնում: Մասնավորապես նշելով, որ այս պահին բուժում են ստանում մոտ 60 ուղեւորներ:

Որպես վթարի նախնական պատճառ նշվում է անբարենպաստ եղանակային պայմանները:

Պաշտոնյաները տեղեկացնում են, որ դեպքի վայրում 70 սմ հաստությամբ ձյան շերտը եւ անբարենպաստ եղանակը խոչընդոտում են փրկարարական աշխատանքներին: