Խորհրդարանի պատշգամբից իրեն գցել է ռումինացի Ադրիան Սոբարուն /Լուսանկարներ/

Ռումինացի Ադրիան Սոբարուն նետվել է խորհրդարանի պատշգամբից՝ որպես բողոք կառավարության օրենսդրական նախաձեռնության դեմ, տեղեկացնում է Mail Online-ը:

Ադրիան Սոբարուն կանգնել է պատշգամբի բազրիքին եւ դիմելով պատգամավորներին` բղավել` «Դուք խոցել եք մեզ, սպանել մեր երեխաների ապագան: Ազատությո~ւն» եւ ցատկել 7 մետր բարձրության պատշգամբից:

Սոբարուն ընկել է պատգամավորների վրա, բայց լուրջ վնասվածքներ չի ստացել: Երբ շտապօգնության աշխատակիցները տարել են նրան, նա շարունակել է բղավել` «Ազատությու՜ն»:

Այժմ նա հիվանդանոցում է, պետք է վիրահատվի: Բժիշկները Ադրիան Սոբարուին խորհուրդ են տվել դիմել հոգեբանի օգնությանը:

Ենթադրվում է, որ նրա բողոքը ուղղված է եղել կառավարության խիստ միջոցների դեմ: Կառավարությունը վերջերս մի շարք փոփոխություններ է կատարել՝ բարձրացրել է հարկերը եւ նվազեցրել աշխատավարձրերը: