Պետությանը հասցվել է 25 միլիոն դրամի վնաս

Կրթության պետական տեսչությունն այս տարի սկսել է ստուգումներ իրականացնել մարզերի կրթության վարչություններում: Ստուգումները սկսվել են Շիրակի մարզից եւ անց են կացվելու բոլոր մարզերում:

Ինչպես այսօր լրագրողների հետ հանդիպման ժամանակ նշեց ԿԳ նախարար Արմեն Աշոտյանը` այդ ստուգումների արդյունքում բազում խախտումներ են բացահայտվել: Անօրինական կերպով դասարանից դասարան թռիչքի 108 դեպք է գրանցվել: Եվ 10-11-րդ դասարաններում եղել է 110 կրկնակի հաշվառման դեպք:

Այսինքն` մի աշակերտը հաշվառված է եղել երկու ուսումնական հաստատությունում, ինչի հետեւանքով ֆինանսական միջոցների վատնումներ են եղել. պետությանը հասցվել է 25 միլիոն դրամի վնաս: