Բուշ կրտսերն ընտրել է Facebook-ն իր գիրքը վաճառելու համար

Երեկ երկու ազդեցիկ անհատներ հանդիպում են ունեցել Facebook-ի «Պալո Ալտո» շտաբում: ԱՄՆ նախկին նախագահն իր գրքի շրջագայություններով այցելել է Մարկ Զակերբերգին: Հանդիպումն օն-լայն ցուցադրվել է Facebook-ով:

Բուշը մեկ ժամ տևած հանդիպման ընթացքում համոզել է Զակերբերգին, որ իրենք շատ ընդհանրություններ ունեն: Նա համեմատել է իր՝ Սպիտակ տանն անցկացրած ժամանակը Զակերբերգի՝ սոցիալական ցանցի նկատմամբ առաջնորդությանը: Բուշն ասել է, որ նրանք երկուսն էլ ստիպված են եղել արագ և բարդ որոշումներ ընդունել, նրանք երկուսն էլ կրթության հանդեպ կիրք են զգում և երկուսն էլ խիստ քննադատության են ենթարկվել:

Զակերբերգի այն հարցին, թե ինչու է Բուշը հենց Facebook-ն ընտրել (և ոչ Google-ը, Apple-ը կամ Twitter-ը) խոսելու համար, Բուշ կրտսերը պատասխանել է. «Որովհետև դուք շատ մարդկանց ուշադրությունը սեվեռել եք մեզ վրա, իսկ ես փորձում եմ գիրք վաճառել»: