Վլադիմիր Պուտինը Լեոնարդո դի Կապրիոյին «մուժիկ» է անվանել

Վլադիմիր Պուտինը Լեոնարդո դի Կապրիոյին իսկական տղամարդ՝ «մուժիկ» է անվանել, երբ հոլիվուդյան աստղը խոստացել է 1 մլն դոլար նվիրաբերել վագրերի փրկման ծրագրին:

Պուտինը շնորհակալություն է հայտնել Դի Կապրիոյին՝ համաժողովին մասնակցելու համար. «Ես ուզում եմ շնորհակալություն հայտնել Ձեզ գալու համար` չնայած բոլոր դժվարություններին... Ավելի քիչ կայուն նյարդեր ունեցող անձը կարող էր և որոշել չգալ, կարող էր այդ ամենը որպես նշան ընդունել, թե՝ չարժե գնալ»:  

Դի Կապրիոն Delta Airline-ի օդանավում է եղել, որը ստիպված վթարային վայրէջք է կատարել Նյու Յորքում, իսկ նրա երկրորդ օդանավը ուժեղ քամու հետևանքով չնախատեսված վայրէջք է կատարել Հելսինկիում՝ օդանավը վերալիցքավորելու համար: Չնայած այս ամենին՝ Դի Կապրիոն, այնուամենայնիվ, ժամանել է Սանկտ Պետերբուրգ՝ մասնակցել Վագրերի պահպանման միջազգային համաժողովին: