Բոլոր 29 հանքափորները զոհվել են

Այսօր կեսօրին Նոր Զելանդիայի հանքավայրում երկրորդ պայթյունն է տեղի ունեցել, որն առաջինից հզոր է եղել: Ածխահանքում աշխատող բոլոր 29 հանքափորները զոհվել են:

Դեռևս հայտնի չէ երկրորդ պայթյունի պատճառը: Հանքավայրի գործադիր տնօրեն Փիթեր Ուիթոլն ասել է, որ չի կարծում, թե պայթյունը փրկարարական աշխատանքների պատճառով է տեղի ունեցել: «Դրսից չի արվել ոչինչ, որ կարող էր առաջացնել պայթյունը, ինչ եղել է, եղել է հանքավայրի ներսում: Մենք տղաներին դուրս ենք ուզում հանել, մենք ամեն ինչ անում ենք՝ նրանց դուրս հանելու համար»,- ասել է նա:

«Սա ազգային ողբերգություն է, մենք սգում ենք զոհվածներին»,- ասել է Նոր Զելանդիայի վարչապետը: Նոյեմբերի 25-ին  կառավարության երկրում կխոնարհվեն դրոշները: Վարչապետը կմեկնի Գրեյմութ՝ ցավակցություն հայտնելու զոհվածների ընտանիքներին և իր շնորհակալությունը բոլոր նրանց, ովքեր վերջին հինգ օրերին ջանք չեն խնայել հանքափորներին փրկելու համար: