Վաղը տեղի կունենա Պուտինի հանդիպումը ԱՄՆ բանագնացների հետ

Ռուսաստանի նախագահ Վլադիմիր Պուտինի և ԱՄՆ նախագահի ներկայացուցիչներ Ջարեդ Քուշների ու Սթիվ Ուիթքոֆի հանդիպումը տեղի կունենա հինգշաբթի առավոտյան։ Այս մասին լրագրողներին հայտնել է ՌԴ նախագահի օգնական Յուրի Ուշակովը։

«Առավոտյան»,-ասել է Ուշակովը՝ պատասխանելով այն հարցին, թե հինգշաբթի օրը երբ է կայանալու Պուտինի, Ուիթքոֆի և Քուշների հանդիպումը։

Հիշեցնենք՝ չորեքշաբթի Աբու Դաբիում ավարտվել են Ռուսաստանի, Միացյալ Նահանգների և Ուկրաինայի պատվիրակությունների մասնակցությամբ երկօրյա բանակցությունները։ Բանակցություններից հետո Քուշները հայտարարել է, որ ինքն ու Ուիթքոֆը կմեկնեն Ռուսաստան՝ հանդիպելու Ռուսաստանի ղեկավարի հետ։