Նոյեմբերի 11-ին Մոսկվայում կկայանա ՀԱՊԿ Հավաքական անվտանգության խորհրդի նիստը. Կրեմլ

Նոյեմբերի 11-ին Մոսկվայում՝ Ռուսաստանի նախագահի նախագահությամբ, կկայանա Հավաքական անվտանգության պայմանագրի կազմակերպության (ՀԱՊԿ) Հավաքական անվտանգության խորհրդի նիստը։ Այս մասին հայտնում է Կրեմլի պաշտոնական կայքը:

Նիստի ընթացքում նախատեսվում է քննարկել կազմակերպության շրջանակում համագործակցության առանցքային ուղղությունները, ՀԱՊԿ հավաքական անվտանգության համակարգի հետագա կատարելագործման միջոցառումները, ինչպես նաև միջազգային և տարածաշրջանային արդիական խնդիրները։

Սպասվում է մի շարք բազմակողմ փաստաթղթերի ստորագրում, այդ թվում՝ ամփոփիչ հռչակագրի և Ռուսաստանի նախաձեռնությամբ մշակված՝ մինչև 2030 թվականը գործող ՀԱՊԿ հակաահաբեկչական ռազմավարության։

Նիստում նախատեսվում է նաև որոշում ընդունել 2027 թվականի հունվարի 1-ից ՀԱՊԿ-ում նախագահությունը Ռուսաստանից Տաջիկստանին փոխանցելու վերաբերյալ։