ՌԴ-ն շարունակում է մնալ աշխարհում գյուղատնտեսական արտադրանքի առաջատար արտադրողներից մեկը. Պուտին

Ռուսաստանը վստահորեն պահպանում է աշխարհում գյուղատնտեսական արտադրանքի առաջատար արտադրողներից մեկի դիրքերը, և նույնիսկ ներկայիս բարդ պայմաններում երկրի ագրոարդյունաբերական համալիրը կայուն է գործում։ Այս մասին Գյուղատնտեսության և վերամշակող արդյունաբերության աշխատողների օրվա առթիվ հայտարարել է Ռուսաստանի նախագահ Վլադիմիր Պուտինը։

«Սրտանց շնորհակալություն եմ հայտնում բոլոր նրանց, ովքեր աշխատում են գյուղատնտեսության և վերամշակող ձեռնարկություններում։

Ձեր եռանդի և գործին նվիրվածության շնորհիվ Ռուսաստանը վստահորեն պահպանում է աշխարհում գյուղատնտեսական արտադրանքի առաջատար արտադրողներից մեկի դիրքերը։

Նույնիսկ ներկայիս բարդ պայմաններում Ռուսաստանի ագրոարդյունաբերական համալիրը գործում է կայուն և անխափան»,- ասել է ՌԴ ղեկավարը։