Գանգուղեղային վնասվածք ստացած տղամարդուն Սարյան փողոցից տեղափոխել են հիվանդանոց. նրա կյանքը փրկել չի հաջողվել

Այսօր, ժամը 19։00-ի սահմաններում Երևանի տապօգնության բժիշկների հերթապահ խումբը Սարյան 24 հասցեից Երևանի մասնագիտացված հիվանդանոցներից մեկն է տեղափոխել մի տղամարդու։

Ինչպես հայտնում է ֆոտոլրագրող Գագիկ Շամշյանը, վերջինս գանգուղեղային վնասվածք է ստացել։  

Թե՛ շտապօգնության և թե՛ հիվանդանոցի բժիշկները փորձել են փրկել տղամարդու կյանքը, սակայն վերակենդանացման ուղղությամբ կատարված բժշկական միջամտությունն անարդյունավետ է եղել, գրանցվել է կենսաբանական մահ։

Ոստիկանները պարզում են, թե տղամարդը որտեղի՞ց է տեղափոխվել և ի՞նչ հանգամանքներում է ստացել մարմնական վնասվածքներ։

Ֆոտոլրագրողի տեղեկություններով՝ նա հիվանդանոց է տեղափոխվել Սարյան փողոցի ռեստորաններից մեկից, որտեղ հավանաբար փորձել են օգնություն ցուցաբերել, իսկ տղամարդուն հայտնաբերել են ինչ-որ շինհրապարակում՝ վերելակի մոտ։