ԱՄՆ և Իրանը հերթական բանակցություններ են վարում միջնորդ երկրների հետ՝ հակամարտությունը դադարեցնելու համար

ԱՄՆ և Իրանի պաշտոնյաները առանձին բանակցություններ են ունեցել միջնորդ երկրների հետ։ Այս մասին հայտնում է Reuters-ը։  Հետագա բանակցությունները, ամենայն հավանականության, կկենտրոնանան Իրանի կողմից անցյալ շաբաթ ՄԱԿ-ի գլխավոր ասամբլեայի շրջանակներում ներկայացված տարբերակի հիման վրա։

Իրանի արտաքին գործերի նախարար Աբբաս Արաղչին, որ ՄԱԿ-ի Գլխավոր ասամբլեային մասնակցելուց հետո դեռ Նյու Յորքում է, հայտարարել է,  Իրանը սպասում է ԱՄՆ-ի պատասխանին։

«Եթե ամերիկացիները պնդում են, որ ձգտում են համաձայնության կամ խաղաղ լուծման, մենք ներկայացրել ենք այդ լուծումը», - ասել է Արաղչին։

ԱՄՆ նախագահ Դոնալդ Թրամփը Սպիտակ տանը լրագրողների հետ զրույցում ասել էր, որ ԱՄՆ պաշտոնյաները առանձին զրուցել են միջնորդ երկրների հետ՝ առանց մանրամասներ հաղորդելու։

Իրանի յոթօրյա ծրագիրը նախատեսում է Իրանում և Լիբանանում  ռազմական գործողությունների դադարեցում, իրանական միլիարդավոր դոլարների արժողությամբ ակտիվների ապասառեցում, իրանական նավթի նկատմամբ պատժամիջոցների դադարեցում և իրանական նավահանգիստների նկատմամբ ԱՄՆ-ի կողմից շրջափակման վերացում։ Ինչից հետո Իրանը կվերաբացի Հոմուզի նեղուցը։