«Ստավկաներո՞վ» է ՔՊ-ն տնտեսական աճ ապահովում, նոր մոդե՞լ է․ Քրիստինե Վարդանյան

«Ես ուզում եմ ասել, որ երեկ այդ կոշիկների ու մարդ կախելու աղմուկի մեջ․․․ հա, ի դեպ, երեկ մեր ֆյուրերը այստեղից մարդ կախելու մասին է խոսել, չգիտեմ՝ նկատել եք, թե չէ, բայց այս ամբիոնից մարդ կախելու մասին է խոսել։ Ստվերվել է մի կարևոր արձանագրում, որից ուզում եմ սկսել։

Իմ գործընկերոջ հարցին ի պատասխան՝ ձեր թիմակիցը սկանդալային բացահայտում է արել․ փաստացի ասել է, որ դուք պետական մակարդակով հովանավորում եք բուքմեյքերական ընկերությունների աշխատանքը, դուք շահերով փոխկապակցված եք։ Ի՞նչ է ասել․ ասում է՝ դուք ինչի՞ց եք խաբար, բուքմեյքերական ընկերությունների գործունեությունը մեր տնտեսական աճի հիմքն է կազմում։ Ասում է՝ 2018 թվականի հունիսին տնտեսական ակտիվության ցուցանիշն աճել է 11%-ով․ Աշխարհի առաջնության շնորհիվ մարդիկ, «ստավկա» դնելով, տնտեսական աճ են ապահովել։

ՔՊ-ի տնտեսական աճի նոր մոդելի հետ գործ ունենք՝ «ստավկաներով» տնտեսական աճի ապահովում։ Դուք լրիվ ուրիշ մոդել էիք խոստանում»,- այս մասին ԱԺ հարցուպատասխանի ժամանակ, դիմելով Նիկոլ Փաշինյանին, ասաց «Հայաստան» խմբակցության պատգամավոր Քրիստինե Վարդանյանը։

Մանրամասն՝ տեսանյութում։