Երևանում այսօր մինչև 23։00-ն երթևեկության սահմանափակումներ կգործեն

Միջազգային հեծանվավազքի մրցաշարի անցկացման նպատակով Երևանում այսօր մինչև ժամը 23։00-ն կգործեն երթևեկության կազմակերպման ժամանակավոր սահմանափակումներ։

Երևանի քաղաքապետի խոսնակ Ջուլիետա Ազարյանի փոխանցմամբ՝ այդ ժամի ընթացքում արգելված է տրանսպորտային միջոցների կանգառն ու կայանումը մի շարք հատվածներում։

Սահմանափակումները կգործեն Հանրապետության հրապարակում, Հանրապետության հրապարակից դեպի Տիգրան Մեծի պողոտա և Խանջյան փողոց, ինչպես նաև Վազգեն Սարգսյանի, Ագաթանգեղոսի, Գրիգոր Լուսավորչի և Արգիշտիի փողոցներում։

Կանգառն ու կայանումը կարգելվի նաև Հրազդանի կիրճում, Ուրուգվայի հրապարակում, Պարոնյան, Լեոյի, Սարյան և Պապ թագավորի փողոցներում։

Սահմանափակումներ կգործեն նաև Մաշտոց–Սայաթ-Նովա պողոտաների խաչմերուկից դեպի Հաղթանակի կամուրջ, ինչպես նաև Գրիգոր Լուսավորչի փողոցից դեպի Հաղթանակի կամուրջ և հակառակ ուղղությամբ՝ Սուրբ Սարգիս եկեղեցու հարակից հատվածներում։