Իրանի նավթատար լցանավերը գրոհելու ԱՄՆ-ի սպառնալիքները պատիվ չեն բերում գերտերությանը. Բաղայի

ԱՄՆ-ի կողմից իրանական բոլոր նավթատար լցանավերին հարվածելու սպառնալիքները պատիվ չեն բերում գերտերությանը, հայտարարել է Իրանի ԱԳՆ պաշտոնական ներկայացուցիչ Իսմայիլ Բաղային։

Պենտագոնի ղեկավար Փիթ Հեգսեթն ավելի վաղ հայտարարել էր, որ ԱՄՆ զինվորականները կարող են հարվածել իրանական բոլոր նավթատար լցանավերին՝ ի պատասխան սեփական նավերի վրա հարձակումների։

«Հասկանում եք, մի երկրի համար, որն իրեն անվանում է պատմության մեջ ամենահզոր գերտերությունը, նման սպառնալիքների դիմելը, առևտրային նավերի վրա հարձակումներ գործելը՝ վրեժխնդրությունից ելնելով, ինչն իրենք խոստովանել են, իրականում, բոլորովին պատվաբեր չէ», – ասել է Բաղային ճեպազրույցի ժամանակ։