ԱՄՆ-ն B-1 ռազմավարական ռմբակոծիչ է կիրառել Իրանի դեմ

ԱՄՆ զինված ուժերը Իսլամական հեղափոխության պահապանների կորպուսի թիրախներին հարվածելու համար կիրառել են B-1 հեռահար ռազմավարական ռմբակոծիչներ։

Ինչպես հայտնում է Axios-ը, սա առաջին դեպքն է, երբ Իրանի հետ 12 օր առաջ վերսկսված ռազմական գործողություններից հետո օգտագործվել է այս տեսակի ավիացիան։

B-1-ը կարող է կրել մինչև երկու տասնյակ 2000 ֆունտանոց ռումբ կամ տասնյակ թևավոր հրթիռներ, իսկ դրա ներգրավումը դիտարկվում է որպես ԱՄՆ ռազմական գործողությունների էական ընդլայնման և սրման ցուցիչ։

Ռմբակոծիչը արձակվել է Մեծ Բրիտանիայում տեղակայված ավիաբազայից։

ԱՄՆ նախագահ Դոնալդ Թրամփը հայտարարել է, որ Թեհրանը դեռ պատրաստ չէ համաձայնության, սակայն, իր համոզմամբ, շուտով ստիպված կլինի վերադառնալ բանակցությունների։