Իրանի ԱԳՆ-ն դատապարտել է Միջազգային քրեական դատարանը լուծարելու ԱՄՆ ծրագրերը

Իրանի արտաքին գործերի նախարարությունը դատապարտել է Միջազգային քրեական դատարանը լուծարելու ԱՄՆ ծրագրերը։

«Մեհր»-ը հաղորդում է, որ արտաքին գործերի փոխնախարար Քազեմ Ղարիբաբադին հայտարարել է, որ ԱՄՆ-ն փորձում է պաշտպանել իր և Իսրայելի զինվորականներին Մերձավոր Արևելքում կատարված ռազմական հանցագործությունների համար պատասխանատվությունից։

«Սա շանտաժի և սպառնալիքի ակնհայտ ակտ է, որը նպատակ ունի ճնշել արդարադատությունը, նախքան այն կհասնի ամերիկացի և իսրայելցի մեղադրյալներին», - նշել է Ղարիբաբադին։

Ավելի վաղ ԱՄՆ պետքարտուղար Մարկո Ռուբիոն հայտարարել էր, որ կքանդեն Միջազգային քրեական դատարանը և քարը քարին չեն թողնի։