Իրաքում Խամենեիի հետ հրաժեշտի արարողություններին մասնակցել է ավելի քան 10 մլն մարդ

Ավելի քան 10 մլն ուխտավոր է մասնակցել Իրանի մահացած գերագույն առաջնորդ Ալի Խամենեիի հետ հրաժեշտի արարողություններին, որոնք անցյալ օրը տեղի են ունեցել Իրաքում։

Նման տվյալներ է ներկայացրել սգո միջոցառումների կազմակերպման բարձրագույն կոմիտեն։ Այս մասին հաղորդում է ՏԱՍՍ-ը:

Բարձրագույն կոմիտեն խորին երախտագիտություն և շնորհակալություն է հայտնել բոլոր պաշտոնական հաստատություններին, սրբավայրերին, անվտանգության ուժերին և զինված ուժերին, այդ թվում՝ շիա աշխարհազորայիններին («Ալ-Հաշդ աշ-Շաաբի»), հազարավոր կամավորներին և Իրաքի ողջ ժողովրդին՝ Իրաքի տարածքում սգո միջոցառումների հաջող անցկացմանն աջակցելու և օգնություն ցուցաբերելու համար։

Իրանի հոգևոր առաջնորդի հրաժեշտի արարողությանը ներկա են գտնվել աշխարհի շուրջ 30 երկրի առաջնորդներ։ Թաղման արարողությունը տեղի կունենա հուլիսի 9-ին՝ Խամենեիի հայրենի Մաշհադ քաղաքում։