Բարսելոնայում 40,5 աստիճան ջերմաստիճան է արձանագրվել

Իսպանիայում անոմալ շոգ է։ «Ֆրանսպրես»-ը հաղորդում է, որ չորեքշաբթի Բարսելոնայում ռեկորդային՝ 40,5 աստիճան ըստ Ցելսիուսի ջերմաստիճան է արձանագրվել, ինչը ամենաբարձր ցուցանիշն է դիտարկումների 112 տարիների ընթացքում: 

Այդ ցուցանիշը գերազանցել է քաղաքի նախորդ ջերմաստիճանային ռեկորդը՝ 40 աստիճանը, որը սահմանվել էր 2024 թվականի հուլիսի 30-ին:

Միջերկրական ծովի ափին գտնվող Բարսելոնայի «Էլ Պրատ» օդանավակայանում ջերմաստիճանը հասել է 37,7 աստիճանի։ Իսպանիայի ազգային օդերևութաբանական գործակալության (AEMET) տվյալներով՝ դա ևս դարձել է ամենաբարձր ցուցանիշն այս կայանի դիտարկումների ամբողջ պատմության ընթացքում, որոնք իրականացվում են 1924 թվականից ի վեր:

Անոմալ տապը շարունակվում է Եվրոպայում՝ դառնալով բազմաթիվ մահերի պատճառ։