Կոնգոյում էբոլայից մահացածների թիվը գերազանցել է 500-ը

Կոնգոյի Դեմոկրատական Հանրապետությունում (ԿԴՀ) էբոլա տենդի լաբորատոր հաստատված մահվան դեպքերի թիվը հասել է 506-ի՝ վերջին մեկ օրում աճելով ևս 14-ով։ Այս մասին հայտնել է ԿԴՀ-ի Կապի և զանգվածային լրատվամիջոցների գործերով նախարարությունը։

Ընդհանուր առմամբ գրանցվել է 1 561 վարակված, ինչը 33-ով ավելի է նախորդ օրվա ցուցանիշից։ Մահացության մակարդակը ներկայում կազմում է 32,4%։

Այս պահին հիվանդանոցներում և բժշկական մեկուսարաններում հսկողության տակ է գտնվում 628 հիվանդ։ Վերջին 24 ժամվա ընթացքում հաստատվել է էբոլայով վարակման ևս 33 նոր դեպք, իսկ 253 մարդ լիովին ապաքինվել է։

Շփումների հսկման ցուցանիշը հասել է 81,6%-ի։ Ավելի քան 10 հազար մարդ, որոնք ֆիզիկական շփում են ունեցել վարակակիրների հետ, մեկուսացված են։ Հիշեցնենք, որ էբոլա վիրուսի ինկուբացիոն շրջանը տևում է մինչև 21 օր։

Էբոլայի ներկայիս բռնկումը սկսվել է մայիսի 15-ին՝ Կոնգոյի Դեմոկրատական Հանրապետությունում և Ուգանդայում։ Համաճարակի էպիկենտրոնը գտնվում է Կոնգոյի Իտուրիի նահանգում։