Ես իմ տեսակետը ներկայացրել եմ իմ եզրափակիչ ելույթում. կխոսենք ՍԴ որոշումից հետո. ԿԸՀ նախագահ

Սահմանադրական դատարանում այսօր դատական նիստի ընդմիջմանը լրագրողները ԿԸՀ նախագահ Վահագն Հովակիմյանից հետաքրքրվեցին աղմկահարույց երեք ընտրատեղամասերում արձանագրված խախտումների մասին։  Լրագրողների դիտարկմանը, թե ինչու ԿԸՀ-ն մինչև բողոքների ներկայացումը սեփական նախաձեռնությամբ վերաքվեարկություն չնշանակեց, և արդյոք դրանով չեն չեղարկվել այդ տեղամասերի քաղաքացիների ձայները, Վահագն Հովակիմյանը պատասխանեց․ «Կենտրոնական ընտրական հանձնաժողովն իր տեսակետը ներկայացրել է թե՛ բացատրություններով, թե՛ եզրափակիչ ելույթով։ Ամեն ինչ արդեն ներկայացված է։ Սահմանադրական դատարանի որոշումը կլինի, և բոլորս կտեսնենք, թե ում փաստարկներն են ճիշտ, և ումը՝ սխալ»։