Իրանը հերքել է Հորմուզի նեղուցը փակելու մասին տեղեկությունները

Իրանի ԱԳՆ-ն հայտարարել է, որ Հորմուզի նեղուցի փակման մասին տեղեկությունը չի համապատասխանում իրականությանը, և նավագնացությունն այնտեղով շարունակվում է բնականոն հունով։

Գերատեսչության ներկայացուցիչ Էսմայիլ Բաղային առանձին լրատվամիջոցների հաղորդումները մերկապարանոց է անվանել։

«Իրանի զինված ուժերը միջոցներ են ձեռնարկել առևտրային նավերի անվտանգ անցումն ապահովելու համար՝ ԱՄՆ-ի հետ փոխըմբռնման հուշագրի շրջանակում»,-ասել է նա։

Ավելի վաղ հաղորդվել էր Վաշինգտոնի և Թեհրանի միջև համաձայնագրի ստորագրման մասին, որը նախատեսում է ռազմական գործողությունների դադարեցում և իրավիճակի կայունացում, ներառյալ տարածաշրջանում նավագնացության հարցերը։