Մինսկը Բրյանսկի մարզում Բելառուսի քաղաքացիների վրա հարձակումն ահաբեկչություն է որակել

Բելառուսի արտգործնախարարությունը Ռուսաստանի Բրյանսկի մարզում Բելառուսի քաղաքացիների վրա հարձակումը գնահատում է որպես խաղաղ բնակչության դեմ հերթական ահաբեկչական գործողություն: Ինչպես տեղեկացնում է ՌԻԱ Նովոստին, այս մասին հայտարարել է Բելառուսի ԱԳՆ մամուլի քարտուղար Ռուսլան Վարանկովը։

Վարանկովը հայտարարել է, որ Բելառուսը խստորեն դատապարտում է Ուկրաինայի հարձակումը:

«Դա գնահատում ենք որպես խաղաղ բնակչության դեմ հերթական ահաբեկչական գործողություն», – միջադեպի կապակցությամբ հայտարարել է Բելառուսի ԱԳՆ մամուլի քարտուղարը:

Վարանկովի խոսքով` Բելառուսի ԱԳՆ-ն Ուկրաինայից բացատրություն է պահանջում երեխաներ տեղափոխող ավտոբուսի վրա հարձակման կապակցությամբ: