Եգիպտոսը Համաշխարհային բանկից լրացուցիչ 300 միլիոն դոլար է ստացել

Եգիպտոսը ստացել է լրացուցիչ 300 միլիոն դոլարի աջակցություն World Bank-ից՝ Իրանի շուրջ պատերազմի հետևանքով առաջացած տնտեսական հետևանքները մեղմելու նպատակով։ Այդ մասին հայտնում է Al Jazeera-ն՝ հղում անելով Համաշխարհային բանկի՝ Եգիպտոսի, Եմենի և Ջիբութիի հարցերով տնօրեն Stephane Guimbert-ի հայտարարությանը։

Ըստ աղբյուրի՝ աջակցության փաթեթը ներառում է Համաշխարհային բանկի 800 միլիոն դոլարի ֆինանսավորում և բրիտանական 200 միլիոն դոլարի երաշխիք։ Ծրագիրը միտված է մասնավոր հատվածի կողմից աշխատատեղերի ստեղծմանը, մակրոտնտեսական կայունության պահպանմանը և «կանաչ» անցման խթանմանը։

Գիմբերտի խոսքով՝ բանկի կողմից տրամադրվող ֆինանսավորումը 500 միլիոն դոլարից բարձրացվել է մինչև 800 միլիոն՝ պայմանավորված տարածաշրջանային անկայունությամբ և Իրանի դեմ ԱՄՆ-Իսրայել հակամարտության հետևանքով Եգիպտոսի ու մի շարք այլ երկրների վրա ազդող տնտեսական ցնցումներով։