Ամերիկայի նպատակը Իրանին կուլ տալն է․ մենք երկիրը պատերազմի չենք տանի․ Խամենեի

Ես դա ասում եմ վճռականորեն և հստակ․ Ամերիկայի նպատակը Իրանին կուլ տալն է։ Այս մասին ասել է Իրանի գերագույն առաջնորդ այաթոլլահ Ալի Խամենեին։

«Դա ամերիկյան ապստամբություն էր։ Ամերիկացիները ծրագրել են դա, աշխատել են դրա վրա։ Ամերիկայի նպատակը Իրանին կուլ տալն է: Դա չի վերաբերում ԱՄՆ ներկայիս նախագահին։ Սա ամերիկյան քաղաքականություն է»,-ասել է նա։

«Մենք երկիրը պատերազմի չենք տանի, բայց չենք հանդուրժի դրա ներսում հանցագործներին։ Ձերբակալվել են բողոքի ցույցերի և հանցավոր դիվերսիաների մեծ թվով առաջնորդներ և իրականացնողներ»,-ասել է Խամենեին՝ նշելով, որ իշխանությունները «կոտրել են ցուցարարների ողնաշարը»։