Միհրան Հակոբյանի վրա հարձակվողներն ազատ են արձակվել, ո՞նց այդպես եղավ. Դանիելյանը` ՆԳ նախարի տեղակալին

ԱԺ նիստում անդրադառնալով հանրային գործիչ Միհրան Հակոբյանի վրա հարձակման դեպքին ու ձերբակալվածների ազատ արձակմանը, պատգամավոր Գառնիկ Դանիելյանը ՆԳ փոխնախարար Արմեն Մկրտչյանից հետաքրքրվեց․ «Կարո՞ղ եք փոքր-ինչ մանրամասնել՝ ինչո՞ւ են ազատ արձակվել»:

ՆԳ նախարարի տեղակալն ասաց, որ այլ տեղեկություններ չի կարող նշել՝ նախաքննություն է իրականացվում. «Ճիշտ կլինի՝ ձեր հարցը նախաքննական մարմին ուղղել»:

Գառնիկ Դանիելյանն «անընդունելի» որակեց պատասխանը. «Մեր հասարակությունն իրավունք ունի տեղեկանալու՝ ինչ է կատարվում երկրում. ի վերջո հանցագործություն կատարողները պիտի՞ ենթարկվեն պատասխանատվության, թե ոչ»: