Արսեն Ղուկասյանի խափանման միջոցը փոխվեց. դատարանը կիրառեց տնային կալանքը

Անհետ կորած զինծառայողի հարազատ Արսեն Ղուկասյանի խափանման միջոց կալանքը փոխվեց։ Երևանի ընդհանուր իրավասության քրեական դատարանը՝ դատավոր Հարություն Մանուկյանի նախագահությամբ, որոշեց Ղուկասյանի նկատմամբ ընտրված խափանման միջոց կալանավորումը փոխարինել տնային կալանքով և գրավով։

Հիշեցնենք, որ Արսեն Ղուկասյանը և Ապիջան Սարգսյանը ձերբակալվել են՝  ՊՆ շենքի մոտ բողոքի ակցիայի գործով։  Նրանց նկատմամբ հարուցվել է հանրային քրեական հետապնդում՝ Քրեական օրենսգրքի 297-րդ հոդվածի 3-րդ մասով (խուլիգանությունը) և 452-րդ հոդվածի 1-ին մասով (պաշտոնատար անձի օրինական ծառայողական կամ քաղաքական գործունեությանը միջամտելը։ Ապիջան Սարգսյանի նկատմամբ որպես խափանման միջոց է կիրառվել բացակայելու արգելքը, Ղուկասյանը, սակայն, նախաքննության ընթացքում կալանավորվել է։