ՈւՂԻՂ․ Վերացնել գործարարների կալանավորման և ունեցվածքի ապօրինի առգրավման պրակտիկան․ «Մանթաշյանց»-ը նախագիծ է ներկայացնում

Մանթաշյանց գործարարների ակումբն օրենսդրական նախաձեռնությամբ է հանդես գալիս, որն ուղղված է գործարարների իրավունքների պաշտպանությանը։ Նախաձեռնությամբ մասնավորապես նշվում է՝    վերացնել գործարարների կալանավորման և ունեցվածքի ապօրինի առգրավման պրակտիկան՝ որպես ճնշման գործիք, սահմանել արդար և կանխատեսելի մեխանիզմներ հարկային և տնտեսական վեճերի դեպքում։ 

Օրենսդրական նախաձեռնությունը ներկայացնում են Մանթաշյանց գործարարների ակումբի նախագահ Վահրամ Միրաքյանը և LSA ընկերության փաստաբան, ի.գ.թ. Արսեն Սարդարյանը։  Ըստ  նախաձեռնության հեղինակների՝  առաջարկվող օրենսդրական փոփոխություններն ուղղված են գործարար միջավայրի բարելավմանը, ներդրողների վստահության բարձրացմանը և Հայաստանում ներդրումային կայունության ապահովմանը։