ՌԴ-ն ԵԱՀԿ Մինսկի խմբի փակումը արդարացված է համարում. Զախարովա

Ռուսական կողմը արդարացված է համարում Եվրոպայի անվտանգության և համագործակցության կազմակերպության (ԵԱՀԿ) կողմից ղարաբաղյան հակամարտության կարգավորման գծով Մինսկի խումբը լուծարելու որոշումը։

Այս մասին հայտարարել է Ռուսաստանի արտաքին գործերի նախարարության պաշտոնական ներկայացուցիչ Մարիա Զախարովան, փոխանցում է ՏԱՍՍ-ը։

Զախարովան հիշեցրել է, որ Ռուսաստանի Դաշնությունը, ԵԱՀԿ մյուս անդամների հետ միասին, անմիջական մասնակցություն է ունեցել այս որոշման կայացմանը՝ հիմնվելով կոնսենսուսի կանոնի վրա։

«Այս քայլը համարում ենք հիմնավորված, արդարացված՝ տարածաշրջանում իրադրության արմատական փոփոխությունների պատճառով»,-նշել է նա:

«Մինսկի ինստիտուտները փակելու նախաձեռնությունը պատկանում է Հայաստանին և Ադրբեջանին»,-հիշեցրել Է Զախարովան։