Բաքուն շարունակում է սադրել Թեհրանին. այս անգամ «Արևմտյան Ադրբեջան»-ով

Ադրբեջանի արտաքին գործերի նախարարությունը կրկին արձագանքել է Հայաստանում Իրանի դեսպան Մեհդի Սոբհանիի հայտարարությանը։

Բաքուն «վճռականորեն» մերժել է դեսպանի հայտարարություններն «Արևմտյան Ադրբեջանի» հորինված համայնքի մասին, որով Ադրբեջանը նկատի ունի Հայաստանի ամբողջ տարածքը՝ այդպիսով տարածքային պահանջներ ներկայացնելով Հայաստանին։

Ադրբեջանը դիվանագետի խոսքերն անվանել է մանիպուլյատիվ մեկնաբանություն՝ արտահայտելով «վրդովմունք»։

Բաքուն դեսպանի հայտարարություններն անվանել է «կեղծ, վտանգավոր և նախատեսված Հայաստանի կարիքները բավարարելու համար»։

«Դեսպանի Ադրբեջանի դեմ պարբերաբար և համակարգված սադրիչ հայտարարությունները նպատակ ունեն խաթարել Ադրբեջանի և Իրանի միջև հարաբերությունները», - նշել է Բաքուն։