Թրամփը դավաճանեց ոչ միայն Թեհրանի հետ կնքված համաձայնագրերին, այլև իր սեփական ընտրողներին. Արաղչի

Իրանի միջուկային օբյեկտների վրա ամերիկյան հարձակման արդյունքում ԱՄՆ նախագահ Դոնալդ Թրամփը դավաճանեց ոչ միայն Թեհրանի հետ կնքված համաձայնագրերին, այլև իր ընտրողներին։ Ստամբուլում կայացած մամուլի ասուլիսում հայտարարել է Իրանի արտգործնախարար Աբբաս Արաղչին։

«ԱՄՆ նախագահն ընտրվել է այն պլատֆորմի հիման վրա, որ նա կդադարեցնի մեր տարածաշրջանում (Մերձավոր Արևելքում) անվերջ, թանկ գին արժեցող պատերազմները։ Նա դավաճանել է ոչ միայն Իրանին՝ խախտելով մեր դիվանագիտական պարտավորությունները, այլև խաբել է իր ընտրողներին՝ ենթարկվելով պատերազմ սկսելուն միտված ինչ-որ հանցագործների ազդեցությանը»,-ասել է նա։

Իրանի արտաքին գործերի նախարարը հավելել է, որ ԱՄՆ-ի ագրեսիան Իրանի դեմ կոպտորեն խախտում է միջազգային իրավունքը և ծառայում է «իսրայելական շահերին»՝ զոհաբերելով «ամերիկացի քաղաքացիների կյանքն ու բարեկեցությունը»։