Ձերբակալվել է ՀՀ նախկին վարչապետ Հովիկ Աբրահամյանը

«Հրապարակ»-ի տեղեկություններով, այսօր առավոտյան Հակակոռուպցիոն կոմիտեն ձերբակալել է ՀՀ նախկին վարչապետ Հովիկ Աբրահամյանին, այս պահին նրա տանը խուզարկություն է ընթանում։

«Մենք արդեն կես ժամ է փորձում ենք հաստատում ստանալ Հակակոռուպցիոն կոմիտեից եւ դատախազությունից, բայց այս գերատեսչությունների խոսնակները ձգձգում են պատասխանը, հայտարարելով, որ հաղորդագրություն կտարածեն։

Աբրահամյանի փաստաբանները եւս չեն պատասխանում հեռախոսազանգերին»,- գրում է լրատվամիջոցը։

Ավելւ ուշ Հակակոռուպցիոն կոմիտեից հայտնել են, որ Հովիկ Աբահամյանը մեղադրվում է փողերի լվացման, պաշտոնեական լիազորությունները չարաշահելու և ապօրինի ձեռնարկատիրությանը ապօրինի մասնակցելու համար։