Հրահանգ է իջել, շոու են անում․ Կյուրեղյանը՝ Օհանյանի ու Մինասյանի վերաբերյալ դատախազի միջնորդագրի մասին

«Ես համոզված եմ, որ դա շոու է»,- ԱԺ-ում ճեպազրույցի ժամանակ ասաց ԱԺ «Հայաստան» խմբակցության պատգամավոր Արմենուհի Կյուրեղյանը՝ անդրադառնալով Գլխավոր դատախազի ներկայացրած Սեյրան Օհանյանի և Արծվիկ Մինասյանի նկատմամբ քրեական գործ հարուցելու միջնորդագրին։ Արմենուհի Կյուրեղյանն ի դեպ ընդգծեց, որ ուղիղ և անմիջական կապ է տեսնում վերջին հարցուպատասխանի ժամանակ տեղի ունեցած միջադեպի և այդ քրեական գործերի միջև։
 

«Հենց այդ օրը Նիկոլ Փաշինյանը դրսևորեց հիստերիկ պահվածք, «համբալից» բացի նաև սպառնալիքներ հնչեցրեց։ Բնականաբար, հրահանգ է իջել, որ պետք է գործ հարուցելու գործը սկսել, հանրությանը ներկայացնել, որ նման գործ կա»,- ասաց նա։