ՌԴ-ն Ուկրաինային դեռևս չի փոխանցել կարգավորման վերաբերյալ հուշագրի նախագիծը. Պեսկով

Ռուսաստանն Ուկրաինային դեռ չի փոխանցել կարգավորման վերաբերյալ հուշագրի նախագիծը, փաստաթուղթը նախապատրաստություն է պահանջում։ Այս հայտարարությունն արել է ՌԴ նախագահի մամուլի քարտուղար Դմիտրի Պեսկովը:

ՌԴ Դաշնության խորհրդի փոխխոսնակ Կոնստանտին Կոսաչևը մայիսի 24-ին հայտնել էր, որ Ռուսաստանն առաջիկա օրերին Ուկրաինային կփոխանցի ուկրաինական կարգավորման վերաբերյալ հուշագրի իր մշակումները, աշխատանքներն ավարտական փուլում են:

«Հուշագրի ռուսական նախագիծը դեռ չի փոխանցվել։ Աշխատանքները շարունակվում են: Դա լուրջ նախագիծ է, լուրջ փաստաթղթի նախագիծ, այն պահանջում է մանրակրկիտ նախապատրաստում», - ասել է Պեսկովը` պատասխանելով լրագրողներին այն հարցին, թե արդյոք Կիևին փոխանցվել է կարգավորման մասին հուշագրի ռուսական նախագիծը։

Նա հավելել է, որ ռուս-ուկրաինական բանակցությունները շարունակելու և դրանց տեղի վերաբերյալ փոխըմբռնում դեռևս չկա, երկրորդ փուլին պատրաստվել է պետք: