Անասնաբույժի քրեական գործի պատմության ու վարչապետի տիկնոջ նախաձեռնության համեմատականը․ Արսեն Բաբայան

Փաստաբան Արսեն Բաբայանը ֆեյսբուքյան իր էջում ներկայացրել է իշխանությունների կողմից ներկայացված թալանի վերադարձի մի օրինակ, ըստ որի, գյուղապետը մեղադրվում է նրա համար, որ  անասնաբույժը չի լրացրել «տաբելը», այսինքն՝ ժամը 9-ից 6-ը չի եղել աշխատավայրում, փոխարենը Նիկոլ Փաշինյանն ու իր կինը մասնավոր ծրագրի համար պետական ուղղաթիռով են շրջում։

Ըստ գյուղապետի՝  նրա նկատմամբ քրեական վարույթ է հարուցվել, պահանջում են փոխհատուցել մեկ տարվա ընթացքում 1 մլն 200 հազար դրամ՝ պետությանը վնաս տալու համար։

Բաբայանը մանրամասնում է, որ անասնաբույժի աշխատանքի բնույթն այնպիսին է, որ նա պետք է այցելի գյուղացիների գոմեր, տեսնի, հետազոտի անասուններին։