Աջակցության դադարեցումը հանգեցնելու է աղետալի հետևանքների, այն կդրդի արտագաղթի. Գեղամ Ստեփանյան

Երևանի Ազատության հրապարակում տեղի է ունենում մեծ հանրահավաք՝ հանուն Արցախի ժողովրդի իրավունքների պաշտպանության: Օրակարգային հիմնական հարցերն են՝ Արցախի ժողովրդի հավաքական վերադարձի հարցի առաջմղումը, Հայաստանում արցախցիների սոցիալական և այլ իրավունքների պաշտպանությունը, գերիների ազատ արձակման ջանքերը և Արցախի մշակութային ժառանգության ու մասնավոր սեփականության պաշտպանությունը:

«Արցախի համար պայքարը բոլորիս պայքարն է: Արցախի հայկականության վերականգնման համար պայքարը, նույնպես, բոլորիս պայքարն է: Մեզ բոլորիս այս հրապարակում հավաքել է մի պարզագույն մղում՝ տեր կանգնել սեփական իրավունքներին: Եթե կլինեն մարդիկ, որոնք կփորձեն ինչ-ինչ պիտակավորումներ տալ, թե իբր սա սոսկ սոցիալական աջակցության պահպանման համար պայքար է, ապա նրանք պարզապես զուրկ են տարրական բարոյականությունից»,- նշեց Արցախի ՄԻՊ Գեղամ Ստեփանյանը:

Մանրամասն՝ տեսանյութում: