ՌԴ-ի և ԱՄՆ-ի միջև կառուցողական հարաբերություններ են ձևավորվել, պետք է առաջ գնալ. Պեսկով

Ռուսաստանի և ԱՄՆ-ի միջև կառուցողական հարաբերություններ են ձևավորվել. պետք է առաջ գնալ այդ ճանապարհով։ Այս մասին հայտարարել է ՌԴ նախագահի մամուլի քարտուղար Դմիտրի Պեսկովը:

«Դա լավ առաջընթաց է՝ շնորհիվ այն կառուցողական հարաբերությունների, որոնք ձևավորվել են ամերիկյան կողմի հետ մեր շփումների ընթացքում։ Մենք պետք է հետագայում ևս ընթանանք այդ ճանապարհով», – լրագրողներին ասել է Պեսկովը։

Նրա խոսքով՝ Մոսկվան բավարարված է Վաշինգտոնի հետ ընթացող երկխոսության պրագմատիկ և արդյունավետ զարգացմամբ:

«Շարունակում ենք մեր շփումները ամերիկյան կողմի հետ։ Դրանք բավական ինտենսիվ են և շարունակական», – նշել է ՌԴ նախագահի մամուլի քարտուղարը։