Բացվել է «Կրոկուս Սիթի Հոլ»-ի ահաբեկչության զոհերի հիշատակին նվիրված հուշակոթող

«Կրոկուս սիթի հոլ»-ում իրականացված ահաբեկչության տարելիցի կապակցությամբ բացվել է զոհերի հիշատակին նվիրված հուշակոթող, գրում է РИА Новости-ն։

«Այսօր Կրոկուսի մոտ բացվել է 2024 թվականի մարտի 22-ին տեղի ունեցած ահաբեկչության զոհերի հիշատակին նվիրված հուշակոթող: Այդ ահաբեկչությունը խլել է հարյուրավոր մարդկանց կյանքեր, շատերը վիրավորվել են։ Ցավակցում եմ բոլոր զոհերի ընտանիքներին, հարազատներին և ընկերներին», - ասել է Մոսկվայի մարզի ղեկավար Անդրեյ Վորոբյովը: 

Հիշեցնենք՝ 2024 թվականի մարտի 22-ին Մոսկվայի մերձակայքում գտնվող «Կրոկուս Սիթի Հոլ» համերգասրահի վրա իրականացված ահաբեկչական հարձակման հետևանքով զոհվել էր 145 մարդ։