Պետք է կասեցվի՝ տրանսպորտը թանկացնելու իշխանության որոշումը․ Անդրանիկ Թևանյան

«Մայր Հայաստան»-ը քաղաքացիական նախաձեռնություն էր սկսել՝ ստորագրահավաք՝ ընդդեմ քաղաքային տրանսպորտի թանկացմանը: Այսօր «Մայր Հայաստան» դաշինքի ղեկավար Անդրանիկ Թևանյանը ամփոփեց ստորագրահավաքի արդյունքները:

«Անհրաժեշտ էր 8200-ի կարգի ստորագրություն, բայց մենք կրկնակիից ավել հավաքեցինք՝ 17000 ստորագրություն: Օրենքը նախատեսում է, որ եթե նախագիծը՝ մեր մշակած տրանսպորտի գնի վերաբերյալ, որը արդեն քաղաքացիների անունից է լինելու, մերժվի, ապա հարցը, օրենքով սահմանված կարգով, կարող է արդեն դրվել հանրաքվեի, և այդ դեպքում անհրաժեշտ է լինելու Երևանում գրանցված ընտրական իրավունք ունեցողների 10 տոկոսի մասնակցությունը ստորագրությանը, որից հետո արդեն հարցը կդրվի հանրաքվեի»,- նշեց Թևանյանը:

Մանրամասն՝ տեսանյութում։