Զախարովան Թրամփին խորհուրդ է տվել «ուղղել ԱՄՆ սխալները»

ԱՄՆ նորընտիր նախագահ Դոնալդ Թրամփը պետք է «ուղղի ամերիկյան նախորդ վարչակազմի սխալները» և ոչ թե «Մոսկվային Կիևի հետ բանակցային սեղանի շուրջ բերի»։ Այս մասին հայտարարել է ՌԴ ԱԳՆ պաշտոնական ներկայացուցիչ Մարիա Զախարովան RTVI-ին տված մեկնաբանությունում։

«Վաշինգտոնն էր, որ արգելեց Վլադիմիր Զելենսկուն մասնակցել Ռուսաստանի հետ բանակցություններին, այդ թվում՝ դա ամրագրելով օրենքով։ Ուստի Ռուսաստանին բանակցության սեղանին նստեցնելու կարիք չկա։ Պետք է ուղղել հանցավոր սխալները, որոնք թույլ են տվել ամերիկացի լիբերալ դեմոկրատները»,- ասել է դիվանագետը։

Զախարովան հիշեցրել է, որ ռուսական կողմը բազմիցս հայտարարել է երկխոսության համար իր բաց լինելու մասին։