Որքա՞ն է վճարել Ադրբեջանը ՀՀ օդային տարածքից օգտվելու համար

2024 թվականի հունվարի 1-ից հոկտեմբերի 21-ն ընկած ժամանակահատվածում ադրբեջանական ավիաընկերությունները Հայաստանի Հանրապետության օդային տարածքով իրականացված թռիչքների համար «Հայաէրոնավիգացիա» ընկերությանը վճարել են 133760 եվրո։ Այս մասին ասվում է Հայաստանի քաղաքացիական ավիացիայի կոմիտեի հաշվետվության մեջ։

Ընդ որում՝ 2024 թվականի հունվարի 1-ից մայիսի 31-ն ընկած ժամանակահատվածում վճարման գումարը կազմել է գրեթե 50 հազար եվրո, իսկ ամբողջ 2023 թվականի հաար ՝ ավելի քան 90 հազար եվրո։

Բոլոր այդ վճարումները կատարվել են «Եվրհսկողություն» կազմակերպության (օդային նավիգացիայի անվտանգության եվրոպական կազմակերպություն) կենտրոնական գրասենյակի միջոցով՝ սահմանված ընթացակարգին համապատասխան: