Վրաստանի արտաքին պետական պարտքը սեպտեմբերի վերջին կազմել է 9,03 մլրդ դոլար

Վրաստանի արտաքին պետական պարտքը սեպտեմբերի վերջին կազմել է 9,03 մլրդ դոլար՝ առաջին անգամ գերազանցելով 9 մլրդ դոլարի շեմը: Այդ մասին հայտնում է ՏԱՍՍ-ը՝ վկայակոչելով Վրաստանի ֆինանսների նախարարության տվյալները։ 

Մեկ ամսվա ընթացքում ցուցանիշն աճել է 43,4 մլն դոլարով։ Վրաստանը ամենից շատ պարտք է  Ֆրանսիային՝ շուրջ 814,5 մլն դոլար։ Տվյալների համաձայն՝ Ռուսաստանը Վրաստանի առաջատար առևտրային գործընկերն է։ Ընդ որում, Վրաստանի պարտքը ՌԴ-ին կազմում է ընդամենը 7,8 մլն դոլար։ 

Ինչ վերաբերում է հարևան երկրներին, Վրաստանը Հայաստանին պարտք է 1 միլիոն դոլար, Թուրքիային՝ 2,2 միլիոն, Ադրբեջանին՝ 1,1 միլիոն։