Հայաստանի համար` ՀԱՊԿ լիարժեք համագործակցության վերադառնալու դռները բաց են. ՌԴ ԱԳՆ պաշտոնական ներկայացուցիչ

Հայաստանի անվտանգության ու կայունության ապահովման հարցում Ռուսաստանին և ՀԱՊԿ-ին այլընտրանք չկա, ճեպազրույցի ժամանակ հայտարարել է ՌԴ ԱԳՆ պաշտոնական ներկայացուցիչ Մարիա Զախարովան։

«Հայաստանի առջև դռները բաց են՝ լիարժեք համագործակցության վերադառնալու համար։ Վերջնարդյունքում, որպես Հայաստանում կայունության երաշխավորների, ՀԱՊԿ-ին և Ռուսաստանին այլընտրանք չկա։ Դա ապացուցված է ոչ թե տարիների, այլ դարերի փորձով, այդպես է գնահատված հայ ժողովրդի կողմից, այդպես արձանագրված է Հայաստանի պատմության մեջ, որը հնարավոր չէ վերաշարադրել տպագրված և ոչ մի կեղծ դասագրքում»,- ասել է ՌԴ ԱԳՆ պաշտոնական ներկայացուցիչը։