Էստոնիայի վարչապետ Կալլասը հրաժարական է տվել

Էստոնիայի վարչապետ Կայա Կալլասը և երկրի կառավարությունը հրաժարական են տվել, հաղորդում է ERR հեռուստաընկերության ինտերնետային պորտալը։

«Կալլասը իր հրաժարականը փոխանցել է նախագահ Ալար Կարիսին։ Արտահերթ նիստի ժամանակ հրաժարական են տվել վարչապետը և ողջ կառավարությունը»,- ասվում է նյութում։

Քանի դեռ նոր նախարարների կաբինետը չի ստանձնել պաշտոնը, Կալլասը կշարունակի պաշտոնավարել որպես վարչապետ։

ERR-ն ավելի վաղ հայտնել էր, որ Կալլասը կարող է հրաժարական ներկայացնել հուլիսի 15-ին։

Նա լքում է իր պաշտոնը, քանի որ հունիսի 28-ին Բրյուսելում կայացած գագաթնաժողովում ԵՄ առաջնորդները հաստատել են նրա թեկնածությունը ԵՄ արտաքին հարաբերությունների և անվտանգության հարցերով բարձր ներկայացուցչի պաշտոնում։