Իսրայելը ավիահարված է հասցրել Քամալ Ադվան հիվանդանոցի հարակից հատվածին

Իսրայելական ուժերը ավիահարված են հասցրել Գազայի հատվածի հյուսիսում գտնվող Քամալ Ադվան հիվանդանոցի հարակից հատվածին։ Այդ մասին հայտնում է Tasnim գործակալությունը։

Գործակալությունը տեսանյութ է հրապարակել, որում երևում է, որ հարվածի գոտուց բարձրանում է ծխի թանձր քուլա:

Իրանը դեկտեմբերին կոչ արեց միջազգային հետաքննություն անցկացնել Քամալ Ադվան հիվանդանոցի բակում պաղեստինցիների ողջ-ողջ թաղման վերաբերյալ: Իրանի արտգործնախարարության խոսնակ Նասեր Քանանին այն ժամանակ ասել է, որ իսրայելական բանակի նահանջից հետո հրապարակված լուսանկարները ցույց են տալիս, որ որոշ հիվանդներ և վիրավորներ բուժհաստատության տարածքում ողջ-ողջ թաղվել են բուլդոզերներով: