Պետք է պահպանվի դատական կարգով պատասխանատվության ենթարկելու ինստիտուտը․ Արծվիկ Մինասյանը՝ ՆԳ փոխնախարարին

Պնդում ենք, որ պահպանվի գործող կարգավորումը՝ դատական կարգով պատասխանատվության ենթարկելու ինստիտուտը, այլ ոչ թե վարչական մարմնի կողմից միանգամից դրամական պատասխանատվության ենթարկելը։ Դատարանը պատշաճ դատական վերահսկողություն է իրականացնում և քննում է հենց «Օրինական պահանջ» արտահայտության օրինական լինելը։ Այս մասին ԱԺ հերթական նիստում նշեց «Հայաստան» խմբակցության քարտուղար Արծվիկ Մինասյանը։

Օրակարգում՝ ՀՀ կառավարության հեղինակած վարչական իրավախախտումների վերաբերյալ ՀՀ օրենքում փոփոխություններ և լրացումներ կատարելու մասին օրենքի և կից օրենքներում փոփոխություններ և լրացումներ կատարելու օրենքի նախագիծերն երկրորդ ընթերցմամբ և ամբողջությամբ ընդունելու հարցն է։