Դատախազությունը գործ չի հարուցում Սամվել Բաբայանի՝ Բաքվի հետ ուղիղ բանակցելու դրվագով. հաղորդում հանցագործության մասին

ՀՅԴ Հայաստանի ԳՄ հանրային կապերի գարսենյակի պատասխանատու. ՀՀ ԱԺ «Հայաստան» խմբակցության պատգամավոր Քրիստինե Վարդանյանը գրում է.

«Հաղորդում հանցագործության մասին

Սամվել Բաբայանը Հ1-ի եթերում հայտարարում է, որ ուղիղ բանակցել է Բաքվի հետ։

ՀՀ Գլխավոր Դատախազությունը շատ օպերատիվ արձագանքում է այդ եթերի հայտարարություններին և Քր․ Օրենսգրքի երկու հոդվածով քրեական գործ է հարուցում։

Սակայն գործերը հարուցվում  են ոչ թե Բաքվի հետ ուղիղ բանակցելու դրվագով, այլ եթերի ընթացքում Արցախի Հանրապետության պաշտոնյաների հասցեին հնչող մեղադրանքների դրվագներով։

Այսօր պատգամավոր Lilit Galstian-ը հրապարակային հաղորդում է ներկայացրել հանցագործության մասին վերոհիշյալ անձի Բաքվի հետ ուղիղ բանակցելու դրվագով։ Տեսնենք սրան որքան օպերատիվ կարձագանքի ՀՀ Գլխավոր Դատախազությունը»։